Ish-sulmuesi i Milanit: Zllatan si Pele apo Maradona, mund të luajë me Mandzukiç

Zllatan Ibrahimoviç mbetet një pikë referimi për Milanin, teksa suedezi e tregoi këtë edhe kur pas një dëmtimi që e mbajti jashtë fushave për një periudhë të konsiderueshme, u rikthye në fushë dhe me dy golat e tij i dhuroi fitoren kuqezinjvë ne transfertë me Kaljarin.

Së fundmi, rreth kampionit 39-vjeçar, ka folur edhe një legjendë e Milanit si ish-sulmuesi Jose Altafini. Ky i fundit elozhon Ibrahimoviç teksa e krahason me Pele apo Maradona.

“Ibra është 39-vjeç, por luan si një 20-vjeçar në fizik dhe në mendje. Një grup kaq i ri kishte nevojë për një lider dhe nga kjo pikëpamje Zllatan është si Pele apo Maradona. Mandzukiç? Zllatan dhe Mario mund të luajnë bashkë disa ndeshje, sidomos kur mbrojtjet kundërshtare janë të mbyllura mbrapa”, u shpreh Altafini. /VipSport.al/