Escort Paris porn tube porno porn porno amateur

Ish-lojtar dhe trajner i spikatur, presidenti Meta dekoron Shkëlqim Muçën

Shkëlqim Muça, ish-futbollisti i Tiranës dhe i Kombëtares kuqezi, më pas trajner kampion me disa skuadra të mëdha në vend, është dekoruar ditën e sotme nga Presidenti i Republikës së Shqipërisë, Ilir Meta, me titullin “Mjeshtër i madh”.

Muça, i cili është një nga futbollistët më të mëdhenj të kampionatit tonë, ka spikatur edhe me fanelën kuqezi të Shqipërisë dhe padyshim edhe sot është një nga idhujt e brezave të tifozerisë bardheblu…Një titull me konsideratë të lartë, por edhe i merituar për Muçën, si një ish-sportist që sot rrallë e shohim në fushat tona…

Ja postimi i Presidentit të Republikës së Shqipërisë, Ilir Meta për Shkëlqim Muçën: “Për tifozët bardheblu dhe ata kuqezi, por jo vetëm, Shkëlqim Muça është padyshim një nga legjendat e futbollit tonë.   Ai hyri me meritë në historinë e sportit shqiptar, si truri, dirigjenti dhe protagonisti i shumë arritjeve të “17 Nëntorit” dhe Ekipeve Kombëtare, duke nisur me suksesin si titullar me “Shpresat” në 1981, si kampionë të Ballkanit, për të vijuar me disa tituj Kampion dhe Kupa Republike me “Tironën vija-vija”.

Jashtëzakonisht i talentuar dhe virtuoz me topin, asistues brilant, i dalluar për fantazinë në fushën e blertë, sulmues befasues dhe gjuajtës rezultativ, Shkëlqim Muça u kthye në burim frymëzimi për gjeneratat e reja të futbollistëve. Sportdashësit e viteve ’80 e mbajnë mend shumë mirë kur bashkohej në sulm me Mingën dhe Kolën, treshja e papërballueshme për kundërshtarët, që shënoi rreth 400 gola, nga të cilat 87 vetë Muça. Pa harruar kontributin e tij të vyer në fitoren 2-0 me Belgjikën e madhe të asaj kohe, ku padyshim ai mbajti një peshë shumë të madhe. Në vlerësim të talentit, kontributit dhe rezultateve të larta të arritura, si futbollist e si trajner, duke nderuar fanellën bardhë e blu dhe ngritur lart emrin e Shqipërisë në arenën ndërkombëtare sportive, kisha sot kënaqësinë e veçantë të nderoj Shkëlqim Muçën, me Titullin “Mjeshtër i Madh”.

E.Saliu/Vipsport.al/