Iliria në merkato, rikthen dy lojtarë me eksperiencë

Iliria në Kategorinë e Dytë ka pasur oshilacione në pjesën e parë të garës duke mos qenë në vendet e kreut. Skuadra nga Fushë-kruja, duket se u gjend papritur në fund të sezonit të shkuar në ekipet që ranë një kategori më poshtë, ndonëse gjatë garës luajtën mjaft mirë, e madje duke marrë edhe pikë të rëndësishme jashtë fushës së tyre.

Tashmë që kampionati është pushim, Iliria ka rikthyer dy lojtarë që kanë luajtur edhe në Superiore dhe në Kategorinë e Parë e të Dytë. Armand Pasha si dhe Klejdi Jazaj janë bërë pjesë e skuadrës së Ilirisë në vijimin e garës.

Natyrisht që janë larguar Balliu e Loci, ndërsa në ditët në vijim do të jetë edhe afrime të tjera në radhët e skuadrës që militon në Kategorinë e Dytë dhe synomn që të ngjitet në të Parën brenda këtij sezoni…

/Vipsport.al/