I dëmtuar që në gusht, Xhaka nuk shmang operacionin dhe mbyll sezonin

16 Janar, 2021 10:25

Është konfirmuar një sezon i pafat ky aktuali për Taulant Xhakën. Mesfushori shqiptar i Bazelit, ka marrë së fundmi lajmin se duhet t’i nënshtrohet ndërhyrjes kirurgjikale në gjurin e djathtë, për shkak se ka lënduar ligamentet dhe në këtë formë kjo bën që sezoni për të, të jetë i përfunduar.

29-vjeçari është dëmtuar prej ndeshjes së 11 gushtit e vlefshme për kualifikimet e Ligës së Europës ndaj Shaktar Donjesk. Në atë takim, Xhaka luajti për 60 minuta dhe më pas u zëvendësua i dëmtuar.

Tashmë, Xhaka duhet të mendojë për sezonin e ardhshëm në mënyrë që të kthehet sërish i rëndësishëm për ekipin e tij, Bazelin. /VipSport.al/