Hoxha dhe Asani: Titulli i hapur, Partizani e dominoi derbin

Pas ndeshjes kanë folur edhe dy nga shtyllat e skuadrës së Partizanit që u dalluan edhe në derbin e sotëm, Alban Hoxha dhe Jasir Asani.

Sipas tyre, me këtë fitore, Partizani do të jetë në garën për titull dhe ky 3-pikësh vlen shumë edhe në aspektin psikologjik dhe vijimësinë e garës për të kuqtë… Alban Hoxha ka pohuar në prononcimin për “Rtshsport” se: “E rëndësishme ishte fitorja, ja arritëm qëllimit. Loja duhet të vijonte me 11-të lojtarë. Gaboi gjyqari sipas meje”.

Kurse Jasir Asani ka shtuar se: “Ishte një fitore e bukur, ne luajtëm, e merituam. Ekipin e kemi shumë të mirë dhe krijuam shumë raste. Për objektivin jemi duke i marrë ndeshjet një e nga një”, – tha Jasir Asani pas ndeshjes me Tiranën në “Elbasan Arena”.

E.S./Vipsport.al/