Heroi i Apolonisë, Gjata: Ishte penallti, vendos klubi për të ardhmen time

Mario Gjata po kthehet në lider në Fier, ndërsa falë formës së mirë nuk kanë munguar grumbullimi në Shpresa apo dhe ofertat për të. Pas ndeshjes në Korçë, sulmuesi i Apolonisë në “gol pas goli” në “Supersport”, ka pohuar: “Unë pata kontakt në zonë, pastaj është dikush tjetër që merr vendimet, është gjyqtari që vendos nëse e jep apo jo”.

“E nisëm në mënryë të keqe kampionatin, me ardhjen e trajnerit Kamarata ka ndryshuar harmonia në grup për mirë. Nuk e meritojmë të jemi në këtë renditje që jemi tani”.

“Kam kaluar një dëmtim që më la shumë kohë jashtë fushave, pothuajse 4 muaj, tani kam arritur formën optimale, tani jam i fokusuar te apolonia, postaj në fund të sezonit nëse drejtuesit e shohin të arsyeshme, do të shohim ofertat. Por është shumë herët për të folur për këtë”, – tha lojtari i dalluar edhe sot te Apolnia, Mario Gjata.

/Vipsport.al/