Halili: Tirana s’ka probleme të tjera gjyqesh, me licencimin jemi “OK”

Rasti “Cise”, ku Tirana u detyrua që të heq jo pak, por 250 mijë euro nga arkat e veta, natyrisht që është për të vënë duart në kokë, e për më tepër kur bëhët fjalë për një shumë shumë të madhe, thuajse sa një buxhet që harxhon një skuadër modeste e elites sonë në një vit…

Por, duket se te Tirana flitet se ka procese të tjera me ish-lojtarë ku në skenë kan dalë emrat e Mervejl dhe Binguila. Por, sot i pyetur rreth licencimit, Refik Halili ka pohuar në “Top Chanel” se: “Tirana është në rrugë të mnbarë sa i përket licencimit, madje jemi duke i ndjekur procedurat hap pas hapi dhe nuk do të kemi asnjë problem sepse klubi është në rrugë të mbarë.”

“Flitet se Tirana ka procese gjyqësore dhe rrezikon, por unë garantoj se Tirana nuk do të humbasë asgjë dhe nuk rrezikohet nga askush, sepse Tirana nuk i ka borxh askujt nga lojtarët që kanë luajtur më parë”, – tha presidenti i bardhebluve, Refik Halili.

E.S./Vipsport.al/