“E pengova dhe ai u acarua”, futbollisti që u godit nga Mesi: Ishte agresion i pastër

Nuk ishte mbrëmja e Barcelonës dhe e Lionel Mesit ajo e djeshmja. Katalansit u mposhtën pas kohës së rregullt në finalen e Superkupës së Spanjës ndaj Atletik Bilbaos, ndërsa argjentinasi në minutën e 120 nuk i mbajti nervat dhe në vrapim e sipër goditi kundërshtarin.

VAR ndërhyri dhe “pleshti” për herë parë në karrierën e tij me Barçën pa kartonin e kuq. Ndërkohë, për atë episode ka folur edhe lojtari i Bilbaos që pësoi goditjen nga Mesi. Asier Vilalibre u shpreh se e pengoi me trup argjentinasin dhe ai u nervozua.

“Nuk mendoj se është rasti për të bërë polemika. Të gjithë skuadrat bëjnë faull dhe ashtu kemi bërë edhe ne. Por, në rastin e Mesit, unë vendosa trupin tim para tij duke e bllokuar dhe ai u nervozua. Më hodhi një dorë në fytyrë dhe mendoj se ishte një aggression i pastër”, u shpreh Vilalibre. /VipSport.al/