Dëmtim i ligamenteve dhe sezon i përfunduar para kohe, sulmuesi kuqezi i pafat në Kroaci

Një lajm shumë fatkeq vjen nga Kroacia për Indrit Tucin. Futbollisti i Shpresave dhe Lokomotivës së Zagrebit, ka dëmtuar ligamentet përgjatë fazës përgatitore dhe tashmë duhet t’i nënshtrohet ndërhyrjes kirurgjikale e më pas në vijim do të jenë muajt riaftësues.

Praktikisht, sezoni aktual konsiderohet i mbyllur për sulmuesin që merr kështu një goditje të madhe dhe të largohet nga fusha, aty ku ishte një nga lojtarët kryesorë të kroatëve që mbante peshën e ofensivës.

Lajmin për dëmtimin e rëndë të Tucit e ka dhënë klubi i Lokomotivës së Zagrebit me anë të një reagimi në faqen zyrtare të rrjeteve sociale, teksa i ofron mbështetje dhe i kërkon të qëndrojë i fortë. /VipSport.al/