Demi: Derbi pa tifozë është si ndeshja e radhës. Nuk duhet të bëjmë gabime në merkato

Presidenti i Partizanit, Gazment Demi, e ka cilësuar ndeshjen e sotme derbi ndaj Tiranës si sfidën e radhës për skuadrën e tij. Me një kalendar të ngjeshur e pa tifozë në stadiume, sfida e ka humbur bukurinë e zakonshme dhe për këtë ishte i ndërgjegjshëm edhe Demi në fjalët e tij për “SuperSport” para sfidës.

“Kjo është si çdo ndeshje e javës. Tani që i kemi çdo tre ditë, është njëlloj. Derbi ka emrin e madh por pa tifozë është ndeshja e radhës.

Ne të them të drejtën nuk na ka dhënë një motivim më shumë derbi edhe pse kemi fituar shumë herë në kohën time. Vjet i dha Tiranës, motivimin e ka ekipi, shpresojmë të fitojë. Sot kam besim të plotë që do të fitojmë.

Emra në merkato? Ato i di stafi, të shohim, po të ketë në merkato lojtarë cilësorë… Nuk duhet të bëjmë gabime se kemi qëlluar edhe që kemi bërë gabime.

Titulli? Është shumë herët akoma, Vllaznia ka ecur shumë mrië, aty-aty janë ndeshjet. Janë shumë skuadra që pretendojnë për titull, të paktën në fillim të kampionatit, është herët akoma”, tha Demi. /vipsport.al/