De Laurentis e ka seriozisht për trajnerin e ri, në listë jo vetëm Benitez por edhe dy të tjerë

Humbja e Superkupës dhe disfata e fundit në kampionat përballë Veronës, ka bërë që presidenti i Napolit, Aurelio De Laurentis të mendojë seriozisht për të zëvendësuar trajnerin Xhenaro Gatuzo. Dhe, lista e presidentit napoletan duket se është e zgjeruar e në të nuk është vetëm emri i Rafa Benitez.

Së fundmi, mediat italiane kanë zbuluar se De Laurentis po shqyrton mundësinë edhe të punësimit të Masimiliano Alegrit apo Luçiano Spaletit. Dy trajnerë të cilët janë ekspertë të Serisë A dhe që Napolin mund ta ndihmonin shumë.

Megjithatë, edhe pse në momentin kur dalin alternativa nuk është e lehtë që Gatuzo të marrë maksimumin nga grupi, sërish tekniku ka mundësi për të ndryshuar situatën në tre ndeshjet e radhës, atë ndaj Specias në Kupë dhe Parmës dhe Xhenoas në kampionat. /VipSport.al/