Barela: Konte më ka mësuar shumë, Kielini është “nëna” e të gjithëve ne

Një nga më të rëndësishmit e Interit në këto dy sezone ka qenë Nikolo Barela. Mesfushori ka pasur gjithnjë besimin e trajnerit Antonio Konte, i cili e vlerëson për punën e palodhur në fushë, por gjithashtu ka shumë kërkesa për të. Ndërkohë, Barela tregon edhe për kombëtaren dhe marrëdhënien e lojtarëve te axurrët.

Më përpara isha shumë më i lirë në fushë, por Konte më ka mësuar të zgjedh momentet. Studioj shumë në fushë dhe duke luajtur me kampionë mundohem të “vjedh” diçka. I vëzhgoj dhe pjesët e tyre më të mira kërkoj t’i përvetësoj. Lukaku ka një forcë të madhe fizike dhe në stërvitje askush nuk ia del ta spostojë, duhen tre lojtarë për ta bllokuar.

Është një lider dhe ka marrëdhënie të mira me të gjithë. Kombëtarja? Mançini i jep qetësi të gjithëve, jemi të lirë të shprehemi, nuk ka ndarje mes të rinjve dhe më të vjetërve. Madje, ata na ndihmojnë. Kielini është “nëna” e të gjithëve ne. Është më protektiv se një baba, se një mama. Na ka bërë gjithnjë të ndjehemi të rëndësishëm edhe ne të rinjve, na ka dhënë besim”, u shpreh Barela. /Vipsport.al/