“Balak i ri”, Junajtid udhëheq garën për mesfushorin austriak

Mançester Junajtid e ka vëmendjen edhe te merkato e ardhshme, aty ku sërish do të kërkojë të transferojë elementë cilësorë për të rritur nivelin e ekipit. Në këtë linjë, Djajtë e Kuq janë në avantazh për të siguruar shërbimet e Kristof Baumgartner.

Austriaku luan me Hofenhajm në Bundesligë, ndërsa cilësohet si “Balak i ri”. Vlera e tij akuale në merkato është 16 milionë euro, por në muajt e ardhshëm pritet që të rritet. Për 21-vjeçarin janë në garë edhe klube të tjera europiane, megjithatë deri tani Mançester Junajtid është në avantazh.

Mbetet për t’u parë nëse kjo lëvizje e anglezëve lidhet me një largim të mundshëm të Pogba në fund të sezonit, duke qenë se aktualisht reparti i mesfushës është i mbipopulluar me emra si Doni Van De Bek, Bruno Fernandes apo edhe Fred. /VipSport.al/