VIDEO/ Nuabueze me tripletë bën Laçin të shkëlqejë, Apolonia “shkërmoqet” në mbrojtje

U duk se do të ishte një tjetër ditë “Jo” për Laçin ndaj Apolonisë, megjithatë për të nxjerrë sa më mirë teknikun Stavri Nica në ndeshjen e parë të tijin në stolin e kurbinasve, mendoi Kirian Nuabueze. Golashënuesi më i mirë i sezonit të kaluar shpërtheu këtë sfidë me një tregolësh, duke përmbysur golin e Omerit.

Dy herë në fraksionin e parë dhe më pas edhe një tjetër rrjetë në pjesën e dytë bënë që fierakët të dorëzoheshin përballë Laçit, teksa më pas erdhi edhe goli i katërt nga Xhixha në minutën e 64. Sakaq, pesë minuta nga fundi kishte vend edhe për golin e Markut, ndërsa vendasit nuk kishin të ngopur duke shënuar sërish me anë të Xhixhës në minutën e 92 për të vulosur rezultatin përfundimtar 6-1.

Kështu, Laçi “harron” Cungun dhe siguron fitoren e parë në kampionat duke shkuar në kuotën e shtatë pikëve, ndërsa Apolonia ende nu ka siguruar trepikëshin e parë të këtij sezoni. /VipSport.al/

Laçi-Apolonia 6-1

Shënues: 33′, 37′, 62′ Nuabueze, 64’Xhixha, 85’Marku, 92′ Xhixha/ 28’Omeri

Formacionet zyrtare:

Laçi: Sherri, Marku, Ignjatoviç, Selmani, Turkaj, Deliu, Shehu, Xhixha, Teko, Prenga, Nuabueze
Trajner: Stavri Nica

Apolonia: Harizaj, Mumbar, Sota, Omeri, Hebeja, Zaimaj, Agiare, Haxhiu, Smaçi, Mihana, Gjata
Trajner: Xhovani Kolela