VIDEO/ I shpëtoi zjarrit të frikshëm, piloti francez dërgon një mesazh nga spitali

Romein Grozhjon ishte autor i një aksidenti të frikshëm ditën e djeshme në Çmimin e Madh të Bahrein në Formula 1. Piloti francez u përplas me barrierat mbrojtëse pas një kontakti me një tjetër makinë, e më pas njëvendëshja e tij shpërtheu në flakë.

Çaste kritike për 34-vjeçarin, i cili vetëm falë ndërhyrjes së shpejtë dhe veshjeve speciale ia hodhi paq, teksa u dërgua në spital pasi kishte marrë disa djegie të vogla në duar.

Ndërkaq, për të qetësuar të gjithë fansat e tij dhe të Formula 1, Grozhjon postoi një video nga spitali ku shprehet se është mirë dhe pavarësisht dëmtimve që kishte ishte në një humor të mirë që gjërat përfunduan me aq, pasi mund të kishte shkuar edhe më keq. /VipSport.al/