Termi “Negrito” mund t’i kushtojë Kavanit, sulmuesi rrezikon pezullimin nga Federata

Edinson Kavani ishte protagonist absolut i Mançester Junajtid në ditën e djeshme. Uruguajini hyri në fushë në kohën kur të tijtë po humbisnin 2-0 ndaj Sauthhempton, por cilësitë e tij bënë që “Djajtë e Kuq” të përmbysnin disavantazhin. Fillimisht, Kavani asistoi për Bruno Fernandes dhe më pas shënoi vetë dy gola.

Festa ishte e madhe për ishin e PSG, teksa në Instagram mori urime të shumta. Disa prej tyre, Kavani vendosi t’i postonte ndërsa ra në sy se sulmuesi i drejtohej me termin “Negrito”(person i vogël i zi) , njërit prej fansave të tij. Një fjalë e cila mund të konsiderohet fare mirë si raciste, edhe pse në Uruguaji kjo fjalë përdoret shpesh dhe nuk është për keq.

Kavani e kuptoi gabimin dhe e fshiu postimin e tij, megjithatë në Angli po flitet se lojtari mund të pezullohet me tre javë. Kujtojmë se ky term “Negrito”, ishte pikërisht ai që përdori Luis Suarez ndaj Patris Evra, teksa në atë kohë sulmuesi pjesë e Liverpulit u dënua me tetë ndeshje pezullim. Duket se historia po përsëritet, sërish me protagonist një tjetër uruguajan. /VipSport.al/