Superiorja nderon Maradonën, sfidat nisin me një minutë heshtje

Bota e futbollit pësoi një humbje të madhe teksa disa ditë më parë u nda nga jeta në moshën 60-vjeçare legjenda Diego Armando Maradona. Argjentinasi u shua si pasojë e një arresti kardiak, ndërsa të gjitha klubet e kampionatet në botë janë duke i bërë nderimet një prej më të mëdhenjve që ka luajtur futboll.

E në këtë pikë nuk mund të qëndronte indiferente edhe Kategoria Superiore, teksa ndeshjet kanë nisur me një minutë heshtje për të nderuar kujtimin e Maradonës.

Ndërkohë, në stadiumin e Kamzës, ku po luhet ndeshja mes Kastriotit dhe Tiranës, binte në sy edhe një foto e legjendës argjentinase si për ta bërë edhe më prezente figurën e Maradonës. /VipSport.al/