Shkumbini e ka me gjykimin dhe miqtë: Na anuluan golin e fitores!

Pas ndeshjes së zhvilluar dje në Peqin, mes vendasve dhe Luzit 2008, dy ekipe rivale që duan të ngjiten në Kategorinë e Parë, e madje kanë qenë edhe shumë aktive në merkaton e verës krahsuar me ekipet e tjera, pati akuza nga kampi kavajas se ka pasur dhunë dhe luznjakët janë gjuajtur me gurë…

Por, peqinasit kanë pasur pretendime gjatë ndeshjes, madje sipas tyre gjyqtari është treguar tendencioz, e për më tepër që nuk ka akorduar një gol të rregullt, së bashku me një nga anësorët. Goli është anuluar për pozicion jashtë loje, por që sipas peqinasve ai gol ka qenë i rregullt.

Nga kampin bardhekaltër në rrjetet sociale u janë përgjigjur akuzave të Luzit 2008, dhe sipas peqinasve, situata ka qenë një provokim i miqve, që së bashku me gjyqtarët e takimit kanë dashur të godasin Shkumbinin në mënyrë të pabesë!

/Vipsport.al/