Murinjo kërkon të shmangë presionin e titullit: Nuk jemi kalë, por jemi poni

Hoze Murinjo kërkon të shmangë çdo presion që mund ta vendosë skuadrën në lidhje me titullin kampion. Londinezët edhe pas ndeshjes së djeshme ku barazuan 0-0 me Çelsin, mbajtën vendin e parë në renditje e në këtë formë shihen si një nga skuadrat që këtë sezon mund të triumfojë në Premier League.

Mirëpo, këto fjalë nuk i pëlqejnë teknikut portugez që mendimin kryesor e ka të mbajë futbollistët me këmbë në tokë. Ndaj përgjigjes nëse janë favoritët për titull, Murinjo i përgjigjet në mënyrën e tij. “Nuk jemi në garë për titullin, kështu nuk jemi një kalë. Ne jemi një poni”, ishin fjalët e luzitanit.

Ndërkohë, si për të kujtuar historinë e së kaluarës, nuk është hera e parë që Murinjo bën një krahasim të ngjashëm duke qenë në se në vitin 2014 tha të njëjtën gjë teksa drejtonte Çelsin. “Gara për titullin është mes dy kuajve (duke iu referuar Arsenalit dhe Mançester Sitit) dhe një kali të vogël që ka nevojë për qumësht dhe duhet ende të mësojë për të vrapuar”. Në atë vit, Çelsi i 57-vjeçarit u rendit në vendin e tretë, pas Sitit dhe Liverpul. /VipSport.al/