Lajme të mira për Pirlon, me grupin bashkohen edhe dy mbrojtësit e dëmtuar

Andrea Pirlo ka vuajtur jo pak në dy ndeshjet e fundit të Juventus teksa skuadra kishte mbetur vetëm me një mbrojtës të mirëfilltë siç ishte Matijs De Ligt. Në këtë formë, së bashku me holandezin tekniku i Juventus përshtati në atë rol edhe Danilon, i cili u mundua të jepte më të mirën.

Gjithsesi, reparti kishte vështirësi e kjo u pa në golat që skuadra pësoi nga ekipe inferiore si Ferencvarosh dhe Benevento. Gjithsesi, për Juventusin dhe trajnerin Pirlo, ka lajme të mira nga stërvitja e fundit teksa me grupin janë bashkuar edhe Demiral e Kielini, ndërsa pritet që para tyre të jetë gati edhe Leonardo Bonuçi.

Kështu, në ndeshjen e së mërkurës ndaj Dinamo Kiev për Ligën e Kampionëve, torinezët do të kenë më shumë zgjedhje mbi futbollistin që do të shoqërojë De Ligt në mbrojtje, teksa holandezi prej rikthimit nga dëmtimi ka dhënë shumë garanci. /VipSport.al/