Kategoria e Dytë/ Internacional e mund me goleadë dhe “zhyt” Mirditën

Nga një ekip me pretendime vjet, këtë sezon Mirdita është në vend të fundit, e madje në katër javë nuk ka asnjë pikë. Sot kanë luajtur në kryeqytet me skuadrën e Internacionalit të Tiranës, që këtë sezon është duke ecur në pozita komode dhe mirditorët kanë pësuar 5 gola!

Për Internacionalin që pas kësaj fitoreje është në mesin e tabelës në Grupin A të Kategorisë së Dytë, kanë shënuar Bakaj dopietë, si dhe Mehmeti tripletë. Një ndeshje perfekte për vendasit, ndërsa golin e nderit të miqve e ka shënuar Gjoka.

Internacionali ka një grup mjaft të mirë lojtarësh nga akademia e vet, ndërsa Mirdita duhet që të bëjë kthesën, sepse me këtë ecuri mund të kthehet shpejt në Kategorinë e Tretë.

FT’ Internacional Tirana-Mirdita 5-1

Golat: Bakaj 28’55’, Mehmeti 75’,80’,87’/Gjoka 44’

/Vipsport.al/