FOTO/ Nuk luajtën me Këlcyrën, në janar Labëria ka gati fushën e vet

FC Labëria këtë sezon ka hyrë mjaft e organizuar në garat zyrtare, madje kanë skuadrën e parë që mer pjesë në Kategorinë e Dytë, duke synuar që të ngjitet një kategori më lartë, por edhe me ekipet e moshave, që nga fëmijët e deri te U-17 e U-19, të cilët debutuan në fundjavën e shkuar me takimet e luajtura në Ballsh.

Në radhët e Labërisë ka specialistë mjaft të njohur, madje trajneri Arlind Rustemi ka në krah edhe Luan Birçen që për shumë vite ka punuar në stafin e skuadrës së Flamurtarit të Vlorës në Superiore. Birçe madje ka qenë edhe trajner emergjent në Vlorë, sidomos vjet.

Ndërkohë që sa i përket fushës, Labëria nuk luajti në fundjavën e shkuar me Këlcyrën, takim që e planifikoi ta zhvillonte në Fier. Infrastruktura është problem për ndeshjet zyrtare, por kjo për pak kohë. Labëria është duke mbyllur punimet në fushën ku do të luhen ndehjet e skuadrës së Parë, por edhe tërë ekipet e moshave.

Këto ditë, në Nartë ku ndodhet edhe kompleksi kanë zbarkuar specialistët kroatë dhe nga sa bëhet e ditur, fusha do të jetë gati në janar, ku krahas tapetit do të ketë edhe dhomat e zhveshjes apo dhe një tribunë me shkallë…

E.S./Vipsport.al/