sex hikayeleri porno izle kartal escort ankara escort antalya escort

Trajneri Dedja i sigurt: Do ta nxjerrim Vllazninë nga kjo situatë, nuk kanë shans të fitojnë nesër

Vllaznia luan nesër ndeshjen më të rëndësishme të sezonit, teksa duhet të fitojë për të qëndruar në elitën e futbollit shqiptar. Shkodranët e mbyllën kampionatin në vendin e tetë, e si pasojë duhet të ndeshen në play-off me Besëlidhjen, e cila pretendon të ngjitet në Superiore. Megjithatë, në konferencën për shtyp para ndeshjes, trajneri Dedja shprehet i sigurt se do ta nxjerrin Vllazninë nga kjo situatë e vështirë dhe se klubi ka mbështetjen e të gjithëve. Sakaq, Dedja është i bindur se trajneri i Besëlidhjes, plori, nuk mund të fitojë ndaj kuqebluve.

-Profesor, një ndeshje shumë e rëndësishme kjo e nesërmja me Besëlidhjen…

“Kuptohet, që është shumë e rëndësishme. Në takimin e fundit me Pogradecin konstatova se që kundërshtari duhet respektuar, por nuk mendoj asnjë gjë tjetër. Me bisedat që kam pasur me skuadrën, me kohën që kam në dispozicion, me kushtet e mira që na ka krijuar sponsori Alban Xhaferi, kam pasur kohë edhe për seancat stërvitore. Edhe në bisedat me ta, që është një, kuptohët që janë fatet e sezonit. është një impenim maksimal për të gjithë, janë të përgjegjshëm të gjithë. 18 lojtarë që janë në grumbullim, ato 11 që do përfaqësojnë, do fillojnë lojën, mendoj vetëm rezultate pozitive që është fitorja për 90 minuta.

Kjo kuptohet, nuk arrihet vetëm me dëshirë, duhet që dëshira të jetë brenda, por ka një logjikë loje, që do ta nxjerrim me anë të logjikës dhe kuptohët pa dashur të ulim vlerat e kundërshtarit, cilësia në skuadrën tonë është më e mirë se e kundërshtarit. Janë në gjendje krejt optimale, shikoj edhe këto seanca stërvitore që kemi filluar në këto ditë që kam pasur kohë në dispozicion. Rëndësia e ndeshjes është fati i sezonit, është për ecurinë e skuadrës, për ecurinë e individit. Gjithësecili, duke filluar nga unë, kolegët e mi që të jemi të kujdeshëm dhe kuptohet deri tek futbollistët që janë aktorët kryesorë në fushën e lojës, besoj se do të japim maksimumin”.

-Si e keni motivuar skuadrën për këtë ndeshje?

“Shiko, nuk bëhet fjalë për ndonjë gjë kushedi se çfarë. Të gjithë i kemi në krah, duke filluar nga kryebashkiakja, administratori, sponsori, tifozët të cilët erdhën edhe dje në stërvitje për të na përkrahur. Por besoj se edhe pa këtë mbështetje, ata janë të motivuar maksimalisht për të bërë më të mirën. Të gjithë janë të vetëdijshëm se fatet e kësaj skuadre, pavarësisht si erdhëm deri këtu, janë në dorën tonë. Ne e kemi sjellë deri këtu situatën, ne do ta nxjerrim Vllazninë prej saj. Pra është një 90 minutësh shumë i rëndësishëm për ne”.

-Ju vjen keq që Vllaznia vazhdon të jetë në këto ujëra sërish?

“Më vjen shumë keq por tani nuk kam kohë të analizoj si është Vllaznia, është koha që të mendoj ta kalojmë nesër këtë sfidë, jo me sukses por me shumë sukses. Mendoj që ditën e hënë, klubi, sponsori, te bëjnë një analizë të gjatë,që nuk është problemi që është ky sezon, por të bëhët një analizë e gjatë që të dihet që Vllaznia të ketë atë emër që ka pasur. Nuk duhet të gabohet prapë, të shkojë Vllaznia përsëri në kështu problemesh që kemi pasur këto vitet e fundit. Mendoj që analiza duhet të bëhet mbrapa”.

-Do të vazhdoni të jeni në krye të Vllaznisë sërish?

“Ajo është në dorë të klubit, sponsorit dhe pasi të shihet puna ime që kam bërë këto dy muaj, të vendosin. Atë nuk e di unë, di që kam firmosur për deri datën e nesërme”.

-Përballë nesër do të keni një ish- futbollist tuajin, Elvis Plorin i cili do të tentojë të ju mund. Një mendim për këtë gjë?

“Me respektet më të mëdha për Elvisin (Plori), një ish-sportist i imi, djalë shumë i edukuar, një profesionist i vërtetë, por këtu duhet të ndahet gjërat. Jemi kundërshtar nesër, motivet tona janë shumë te mëdhaja, luhet fati i futbollit të Shkodrës, prandaj dhe Plori nuk ka asnjë shans të fitojë ndaj Vllaznisë. Fjala mbijetesë duhet hequr njëherë e mirë nga fjalori i futbollit shkodran. Përnqëndrimi është maksimal dhe besojmë vetëm tek suksesi nesër”, u shpreh Dedja. /VipSport.al/