Teutës i duhet pak fat në short, mes rivalëve të mundshëm ka ekip malazez

Ekipi i Teutës shpreson të ketë pak fat në shortin e nesërm në Ligën e Europës, pasi në emrat e kundërshtarëve që ka përballë, janë rivalë shumë të fortë, por edhe emra të përballueshëm nga ekipet shqiptare,

Pjesë e grupit 14 të caktuar nga UEFA për shortin, Teuta ka përballë dy emra që duhen evituar si APOEL i Qipros dhe Beitar Jeruzalem i Izraelit, të dy skuadra me emër e me eksperiencë në arenën ndërkombëtare.

Por paralelisht, në short përballë tyre mund të jetë edhe një emër i përballueshëm si Sutjeska e Malit të Zi, apo fituesja e duelit të turit paraeliminator mes Santa Koloma të Andorrës dhe Iskra Danilovgrad po të Malit të Zi.

Me pak fjalë, nëse goglat do të jenë bujare nesër, Teuta ka një mundësi të artë për të kaluar turin, siç ka bërë vetëm dy herë më pare në historinë e saj. /vipsport.al/