sex hikayeleri porno izle kartal escort ankara escort antalya escort

Kastrati: Shqipëria? Jo, e kam bërë zgjedhjen time, kam gjak Kosove

Lirim Kastrati është një nga talentet shqiptarë më të spikatur në Europë. Talenti, i cili këtë sezon kaloi nga Lokomotiva te Dinamo Zagreb ka treguar një nivel shumë të lartë dhe pritet që së shpejti të debutojë me kombëtaren e parë të Kosovës.

Duke qenë se nuk ka luajtur ende në një prej kombëtareve të para shqiptare, Kastrati u pyet nga mediet dardane në lidhje me kalimin e mundshëm te kombëtarja kuqezi, me të cilën sulmuesi tregon se ka patur kontakte një vit e gjysmë më parë. Ai shprehet se e ka bërë zgjedhjen e tij dhe ajo është Kosova. Tregon se kontakton vazhdimisht me trajnerët e kombëtares dardane dhe lëshon një koment të padëgjuar: “Kam gjak Kosove”.

“Aty ku mundem të ndihmoj gjithmonë do të jem i gatshëm. Pa marrë parasysh me kombëtaren A apo me U21. Kam zgjedhur Kosovën dhe jam krenar që jam pjesë e kësaj kombëtareje. Jam vazhdimisht në kontakt me trajnerët Bernard Shalandes dhe Rafet Prekazi. Gjithmonë kur vij të luaj për Kosovën jap maksimumin dhe mundohem të arrijmë rezultate sa më të mira.

Kalimi i mundshëm te Shqipëria? Jo, jo nuk ka asgjë të vërtetë. Nuk kam kontakte që një vit e gjysmë me kombëtaren e Shqipërisë. Kur kam vendosur të luaj për Kosovën kam vendosur me zemër dhe kurrë nuk e vë në dyshim atë vendim dhe nuk bëhem pishman. Jam i lindur në Kosovë dhe kam gjak Kosove dhe gjithmonë jam krenar me zgjedhjen time”, u shpreh Kastrati në mediet kosovare. /vipsport.al/