sex hikayeleri porno izle kartal escort ankara escort antalya escort

FSHF kërkesë për ta luajtur finalen me tifozë, përgjigja vjen nga policia: Nuk lejohen grumbullime

Sot në orën 20:00, Tirana dhe Teuta luajnë finalen e Kupës së Shqipërisë në stadiumin Air Albania. Ditën e djeshme, duke u nisur edhe nga precedenti francez, ku finalja e Kupës u luajt me një numër të limituar tifozësh, FSHF bëri kërkesë që edhe sot të kishte një numër të limituar tifozësh sa për t’i dhënë jetë stadiumit.

Mirëpo, kjo kërkesë nuk është marrë parasysh dhe ka qenë policia ajo e cila ka publikuar masat për ndeshjen e sotme.

Në deklaratën e policisë theksohet se masat do të jenë të njëjta si ajo e ndeshjes së kaluar mes Tiranës dhe Bylisit, teksa për shkak të COVID-19 nuk lejohen grumbullimet dhe në stadium mund të futen vetëm personat e caktuar nga FSHF dhe klubet. Në këtë formë, stadium sot sërish do të vuajë mosprezencën e spektaklit të tribunave. /VipSport.al/

Njoftimi i policisë:

Policia e Tiranës, masa të shtuara për mbarëvajtjen e rendit dhe sigurisë gjatë zhvillimit të ndeshjes së futbollit midis ekipeve Teuta – Tirana, finale e kupës së Shqipërisë8, që do zhvillohet më datë 02.08.2020, në orën 20:00, në stadiumin “Air Albania”.

Masat e marra nga Drejtoria Vendore e Policisë Tiranë do të jenë të njëjta si në ndeshjen Tirana – Bylis, do të meren sërish një serë masash teknike dhe organizative në një zonë më të gjerë se perimetri i stadiumit, me qëllim sigurimin e rendit dhe të sigurisë publike para, gjatë dhe pas zhvillimit të ndeshjes së futbollit, duke synuar jo vetëm mbarëvajtjen e aktivitetit sportiv, por dhe moslejimin e grumbullimit të tifozëve, si masë parandaluese për përhapjen e infeksionit COVID-19.

Në kuadër të këtyre masave të parashikuara informojmë qytetarët e Tiranës se:

• Do të lejohen të futen në stadium vetëm ata persona të caktuar nga ekipi dhe FSHF, sipas protokollit sanitar “Për organizmin e ndeshjeve të futbollit”. Nëse do të konstatohen shkelje të protokollit do të ndërhyjë dhe do të vendosen masa administrative sipas aktit normativ ndaj të gjithë personave përgjegjes.

• Nuk do lejohen grumbullime të tifozëve në sheshe apo në ambientet përreth. Në rast grumbullimi Policia do të ndërhyjë për shpërndarjen e tyre.

Gjithashtu do të ketë bllokime të disa segmenteve rrugore, në të cilat nuk do lejohen të lëvizin as mjetet dhe as këmbësorët.

Segmentet rrugore që do të jenë të bllokuara, nga ora 17:30 deri në përfundim të aktivitetit, janë:

– Rruga përreth stadiumit “Lek Dukagjini”, rruga “Dervish Hima”, rruga “Gjergj Filipi”, rruga “Papa Gjon Pali II”, nga kryqëzimi me rrugën “Ismail Qemali” deri tek stadiumi “Air Albania” dhe bulevardi “Dëshmorët e Kombit”, nga presidenca, sheshi “Nënë Tereza” deri te sheshi “Shopen”, si dhe sheshi para Universitetit Politeknik.

Policia e Tiranës kërkon mirëkuptimin e qytetarëve për të evituar lëvizjen me automjete si edhe levizjen me këmbë në segmentet rrugore të lartpërmendura në oraret e caktuara.

Policia e Tiranës apelon edhe njëherë për respektim me rigorozitet të protokolleve të sigurisë, me qëllim parandalimin e përhapjes së COVID-19.

   

more recommended stories