sex hikayeleri porno izle kartal escort

Sormani insiston: Nuk treguam mangësi ndaj Skënderbeut, shprehemi mirë në fushë

Adolfo Sormani insiston se Partizani është në rrugën e duhur, pavarësisht rezultateve që largojnë të kuqtë nga pretendimet që kanë. Tekniku i Partizanit, në një prononcim për “SuperSport”, ka theksuar se ekipi kishte bërë mirë ndaj Skënderbeut, edhe pse në fund doli pa pikë nga fusha e lojës.

“Na kanë munguar rezultatet, kjo më duket e qartë, por nuk na ka munguar loja, megjithatë nuk mjafton, duhet bërë më shumë. Mendojmë që puna shpërblehet dhe kjo skuadër stërvitet me shumë dëshirë dhe lufton fort. Nuk kemi treguar asnjë mangësi as në aspektin fizik, as në pjesën teknike. Në ndeshjen e fundit patëm raste, krijuam shumë dhe jam i bindur që ky ekip është i aftë të shprehet shumë mirë në fushë. Nuk i kemi vuajtur kundërshtarët, kemi një problem që është psikologjik, në atë aspekt nuk kemi ekuilibra.

Kur je trajner, je në qendër të kritikave. Kur nuk fiton, do të kritkohesh, kjo është puna ime. Nuk dua të humbas kohë, kur më pyesin për futboll jam i gatshëm të përgjigjem pa kërkuar justifikime. Përgjigjem ashtu si unë e lexoj lojën dhe jo sepse ndihem i ofenduar nga kritikat.

E ardhmja në pikëpyetje?! Një trajner është gjithnjë me valixhe në duar. E përsëris, kjo është pjesë e punës. Sigurisht që mund të jetë në dyshim e ardhmja, por, e ritheksoj, është pjesë e punës, kur dikush vendos të bëhet trajner, atëherë e kupton dhe këtë aspekt të punës”, tha Sormani. /vipsport.al/