sex hikayeleri porno izle kartal escort ankara escort antalya escort

Kaosi te Vllaznia, presidentja ia kalon topin Këshillit Bashkiak: Miratuam buxhetin në dhjetor, zhbllokoni fondet

Voltana Ademi, kreybashkiakja e Shkodrës dhe njëkohësisht presidentja e klubit Vllaznia, sot ka reaguar për herë të parë pas situatës së krijuar te kuqeblutë që kanë bojkotuar stërvitjen pasi nuk paguhen prej katër muajsh. Normalisht, një shqetësim i tillë i futbollistëve duhej të ishte zgjidhur më parë, por Ademi reagoi për here të parë tani që situata u bë publike nga vetë futbollistët, duke fajësuar për këtë Këshillin Bashkiak që nuk ka lëvruar fondet që janë miratuar që në dhjetorin e vitit të kaluar.

“Bashkia e Shkodrës ka miratuar Buxhetin për vitin 2020 për Klubin e Futbollit Vllaznia sh.a. që në dhjetor të vitit 2019.

Jemi në fund të muajit maj 2020 dhe këshilli bashkiak akoma nuk ka shqyrtuar dhe miratuar pasqyrat financiare të KF Vllaznia sh.a., duke bllokuar vijimësinë e pagesave që nga muaji shkurt dhe deri në këtë moment që jemi, 22 maj 2020.

Në muajin shkurt, ka patur një përpjekje nga ana juaj për zhbllokimin e situatës tek KF Vllaznia sh.a., por vetëm aq.

Në momentin që flasim, futbollistët, stafi tekniko- sportiv, trajnerët e Akademisë dhe punëtorët e terreneve sportive, nuk kanë mundur të marrin pagat e tyre. E gjithë kjo, ka krijuar një situatë të rëndë që rrezikon të ketë impakt edhe në pjesën sportive, të rezultateve dhe objektivave për të gjitha ekipet e KF Vllaznia sh.a. në kompeticionet ku marrin pjesë.

Dua të vazhdoj të besoj që nuk ka ndonjë keqdashje në këtë zvarritje që po i bëhet zhbllokimit të financimit të punës së sportistëve dhe stafit të KF Vllaznia sh.a.

Në këto kushte, kërkoj nga ana juaj, me urgjencë dhe pa vonesa, shqyrtimin dhe miratimin e pasqyrave financiare, ne një mbledhje të thirrur nga Administratori i K.F.”Vllaznia”, për t’i hapur rrugën vijimin në normalitet të punës tek Klubi kuqeblu, i cili siç edhe klubet e tjera, kanë kaluar jo pak probleme edhe për shkak të pandemisë dhe Gjendjes së Fatkeqësisë Natyrore.

Siç jeni në dijeni, sezoni futbollistik rifillon me 3 qershor ndërsa ekipet kanë nisur stërvitjen.

Kësisoj, si Kryetare e Bashkisë Shkodër, duke përcjellë zërin e sportistëve dhe tifozerisë, kërkoj reagimin me përgjegjësi nga ana juaj”, shkruhej në kërkesën që Ademi i drejtonte Këshillit Bashkiak që pritet të mblidhet së shpejti, për të diskutuar mes të tjerash edhe situatën te Vllaznia e cila përsëritet për të disatën herë që kur administrimin e saj e ka Bashkia. /vipsport.al/