sex hikayeleri porno izle kartal escort

Gjici: Ja kush është goditja më e madhe në merkato, barra mbi Shehin e futbollistët t’i fitojnë të gjitha

Presidenti i Nderit te Kukësi, Safet Gjici beson se mund të përmbysë disavantazhin që ka në klasifikim me Tiranën, ndërsa shprehet se në rast se skuadra i fiton të gjitha ndeshjet atëherë kampionët e Superiores do të jenë verilindorët. Ndër të tjera, në një intervistë për “Fax Sport”, Gjici tregoi se një nga goditjet më të bujshme në merkato ka qenë sulmuesi Sindrit Guri, i cili më pas u shit për një shumë prej 500.000 mijë euro. Diçka jo e zakonshme për kampionatin shqiptar.

Gati për tre qershor? “Kukësi prej disa ditësh është grumbulluar në Elbasan, sipas klubit informacionet janë të mira. Nuk kemi dëmtime, jemi stërvitur normalisht. Do ketë probleme siç i kemi parë edhe në Gjermani me dëmtimet, por uroj që futbollistët të mos pësojnë dëmtime”.

Shehi i kënaqur? “Sipas asaj që kam biseduar trajneri thotë që lojtarët nuk janë në gjendje opptimale, por janë të përgatitur ta fillojnë kampionatin më tre qershor. Ekipi është mobilizuar për t’i marrë ndeshjet një nga një. Uroj më të mirën për ta, kushtet janë plotësuar nga klubi dhe tani i takon stafit dhe lojtarëve”.

Ndryshuat mendim pas takimit me Dukën në lidhje me protokollin? “Nuk kam ndryshuar qëndrim, kam thënë që kampionati meqë u zgjat situata, thashë asnjë klub nuk ka kapacitete për të respektuar 100% protokollin. Gjithsesi, do të mundohemi dhe janë detyrime. Se sa do ta arrijmë, do ta shikojmë. Uroj të mos kemi dëmtime, por nëse do ketë dëmtime, ato klube që do jenë pjesë e Europës do kenë problem”.

E ktheni klasifikimin? “Në futboll nuk ka shkencë ekzakte. Nëntë pikë janë shumë, por nuk janë dhe shumë. Ne kemi ekip shumë më të mirë, patjetër na kanë ndëshkuar para kësaj situate edhe dëmtimet. Unë mendoj që pikët janë aty. Nëse fitojmë të gjitha ndeshjet e arrijmë objektivin. Fusha do e tregoj, duhet parë ecuria e ekipit në fushë. Ne nuk duhet të humbasim dhe Tirana të gabojë”.

Tirana është Tirana. Nuk kam asgjë kundër. Me Egbo ndryshuan, tani pikët i japin prioritet për titullin. Por, nuk ka mbaruar asgjë. Kishte fat se ndeshjet i ka marrë në minutat e fundit. Edhe me ne ishte gabimi i trajnerit. Prandaj them futbolli ka çudira. Nuk ka mbaruar asgjë, kampionati vazhdon. Edhe sikur ta marrë titullin Tirana, nuk ka shije të madhe. Ne luftojmë deri në fund, barra i bie Shehit dhe lojtarëve që të fitojnë të gjithë ndeshjet”.

E ardhmja e trajnerit? “Shehi ka një kontratë dhe e di mirë ai se si është bërë kontrata. Klubi e di kontratën edhe ai e di kontratën. Por, unë mendoj që e kemi marrë që është një trajner i ri, por thamë se ndoshta ish-portierat si trajner japin rezultat. Kam bindjen te ekipi, sepse ekipi është për të fituar. Edhe sikur ta marri Tirana, por edhe ne, ky titull është pa entuziazëm. Do jetë pa tifoz”.

Shkurtaj largohet, cila është arsyeja? “Këto janë marrëdhënie juridike. Aty ka jurist. Nuk i di detajet, nëse arrihet marrëveshja atëherë le të vazhddojë. Vasili do japë maksimumin deri në ditën e fundit. Nëse ka dëshirë, Kukësi është aty. Klubi ja ka dhënë ok, por lojtarit kur i mbaron kontrata dhe ka ofertë më të mirë, zgjedhin ofertën më të mirë. Ka një pagë të mirë, nëse nuk do ketë ofertë më të mirë, nuk do ta lejë Kukësin”.

Preferencë për futbollistë? “Në kampionatin shqiptar nuk kam. Ka edhe lojtarë të mirë, drejtori sportiv me menaxherë po mundohen të plotësojnë repartët që kanë pasur problem”.

Trajneri më i mirë te Kukësi? “Ka pasur trajnerë të mirë Kukësi, për kohën dyshja Starova-Cungu. Por, secili në stilin e vetë ka qenë ok për Kukësin. Kemi qenë gjithmonë pjesë e Kupave të Europës për nëntë vite. Kemi fituar kampionatin. Kjo do të thotë se trajnerët kanë pasur meritën e tyre. Së bashku me klubin që është më i madh se ta se është si një ombrellë për ta”.

Goditja më e madhe në merkato? “Guri, sepse bëmë një shitje të mirë dhe janë lojtarë të rralë në Shqipëri që shiten me 500.000 mijë euro. Por, edhe Pero Pejiç. Me atë kemi pasur rezultate të mira. Ka pasur edhe dështime, për faj të menaxherëve, klubit. Por, në përgjithësi janë bërë goditje të mira”, u shpreh Gjici. /VipSport.al/