sex hikayeleri porno izle kartal escort ankara escort antalya escort

Moda në Superiore / Gjysma e skuadrave preferojnë trajnerë të huaj, dy prej tyre e kërkojnë famën në Superiore

Historia me trajnerët e huaj në drejtimin e skuadrave tona e ka zanafillën dekada më parë, atëherë kur të mëdhatë e futbollit kërkonin të shkëmbenin eksperienca…Në fakt, trajneri i parë i huaj që ka punuar në Shqipëri, në drejtimin e një klubi shqiptar është hungarezi i famshëm Samo Singer, në vitet 1934-1935 me Tiranën. 

Vetëm dy prej tyre kanë mundur të fitojnë titullin kampion: malazezi Dervish Haxhiosmanoviç, që e fitoi me Vllazninë në sezonin 2000-2001, kur ishte president Myftar Çela si dhe çeku Stanislav Levi me Skënderbeun (2011-2012). Por të huajtë kanë vijuar që të drejtojnë, e madje kanë qenë edhe në krye të skuadrave shqiptare, madje edhe në Kategorinë e Parë e parë në vitete e fundit…

Por, edhe këtë sezon, nuk mungojnë. Kur janë dhjetë skuadra në Superiore, ajo që bie në sy është se gjysma e tyre drejtohen nga të huaj. Por, nëse Mirsad Jonuz e Veljko Dovedan i Bylisit kanë karrierë në disa shtete, apo dhe Adolfo Sormani i Partizanit, dy prej tyre e kanë si trampolinë Shqipërinë, duke qenë se janë më të rinj në moshë. Bëhet fjalë për Emanuel Egbo dhe Marselo Troisin…

Kështu, duke filluar që nga Tirana e vendit të parë që në stol ka një ish-lojtarin e saj një dekadë e gjysmë më parë, Emanuel Egbo që trajningun e ka filluar në Ballsh me Bylisin, fillimisht si përgatitës portierësh e më pas si trajner i parë në Superiore në sezonin 2012-2013.

Partizani duket se i ka besuar shumë shkollës italiane dhe ka rikthyer Adolfo Sormanin, i cili pati bërë mirë me të kuqtë afro tri vite më parë. Pa harruar që edhe këtë sezon e nisi një tjetër italian, Franko Lerda.

Për të vijuar me Vllazninë që i ka besuar maqedonasit, Mirsad Jonuz, apo Bylisit me boshnjakun Veljko Dovedan. Pa harruar edhe Flamurtarin që ka në krye brazilianin Marselo Troisi, një emër i njohur në Supeiore në vitet e fundit ky, pasi ka drejtuar më parë edhe Kukësin e Laçin në Superiore si dhe Bylisin në Kategorinë e Parë. Fillimisht ka ardhur në vendin tonë si menaxher lojtarësh nga Brazili dhe jo vetëm, duke i inkuadruar në disa ekipe të elitës dhe në Kategorinë e Parë.

Erjon Saliu/VipSport.al/