Sapo firmosi me Lacion, mesfushorin korçar e krahasojnë në Itali me Bernardeskin

Transferimi i Dean Liços në radhët e akademisë së Lacios ka bërë bujë edhe përtej Adriatikut. Futbollist i talentuar korçar, i cili në të kaluarën ka qenë pjesë e akademive të klubeve si Leganes e Sporting Lisbona, ka përfunduar sot pjesë e rubrikës së njohur “Un talento all giorno” (Një talent në ditë) të portalit “Tuttomercatoweb” që i kushtohet  të rinjve që bëhen gati të shpërthejnë në futbollin italian.

“Dean Liço ishte një zgjedhje e Tares dhe praktikisht por flasim për një fantazist mjaft të aftë që kërkon pasimin për sulmuesin. Prania e tij është një dhuratë e vërtetë për qendërsulmuesit, një lajm i mirë për sulmuesit në formë të klubit bardhekaltër.

Edhe pse dashuron të luajë më në qendër në krahasim e kolegun, ne e kemi përngjasuar me Bernardeskin, edhe për karakteristikat fizike që kanë të përbashkëta”, shkruante portali italian duke iu referuar këtij transferimi që kreu Lacio në ditët e para të shkurtit.

Liço provoi të nënshkruante për Peruxhian në Serinë B në fillimin e sezonit, por problemet me dokumentacionin nuk e lejuan që t’i bashkohej kësaj skuadre ku shpresonte të kishte minuta në fushë. Megjithatë, prania te akademia e Lacios, do të jetë një ndihmesë më shumë për të ardhmen e futbollistit i cili pritet të përshtatet shumë shpejt meqë aty ka një komunitet të madh lojtarësh shqiptarë. /vipsport.al/