Ndeshja ndaj Partizanit merr rëndësi të veçantë, klubi i Kukësit vë autobusë për tifozerinë

Kukësi do të presë të dielën në “Air Albania Stadium” skuadrën e Partizanit për takimin e vlefshëm për javën e 19 të Kategorisë Superiore. Skuadra verilindore do të kërkojë të lërë pas barazimin zhgënjyes në Gjirokastër, por nga ana tjetër kanë një Partizan që vjen me petkun e kampionit që gjithashtu nuk vjen nga një moment i mirë pasi u mund në Korçë.

Ndërkohë, në rrjetet sociale verilindorët i kanë bërë thirrje tifozerisë për të qenë sa më të shumtë në “Air Albania”. Kjo ndeshje që është edhe kryendeshja e javës së 19, do të luhet të dielën duke nisur nga ora 19:00, teksa pak ditë më parë janë publikuar edhe çmimet e biletave.

Njoftimi:

“I ftojmë të gjithë tifozët të jenë sa më të shumtë në “Air Albania” për ndeshjen ndaj Partizanit. Në një kampionat ku luajmë jashtë shtëpisë sonë dhe për më tepër pa tifozët në krah e mbyllëm gjysmën e sezonit në vendin e parë.

Një humbje apo një barazim nuk është fundi i kampionatit dhe as i futbollit, por thjesht një mësim për javët që pasojnë. Me ju në krah, Kukësi do të jetë edhe më i fortë. Të gjithë se bashku, le ta nisim fazën e tretë me një rezultat pozitiv dhe ta kthejmë në festë këtë ndeshje të madhe.

Ju mirëpresim në “Air Albania Stadium” ditën e diel, më datë 26 janar në orën 19:00. Forca Kukësi! Së bashku më të fortë. Të rikthejmë titullin në Kukës. Bashkë ia dalim”.

Sakaq, klubi i Kukësit ka vënë edhe autobusë në dispozicion të tifozerisë që jeton në Kukës.

Njoftim i klubit!

Skuadrën tonë e pret një ndeshje e madhe në një stadium madhështor, të dielën në orën 19:00. Në “Air Albania” luajmë kundër Partizanit dhe mbështetja e tifozerisë duhet të jetë e madhe, në mënyrë që edhe futbollistët në fushë të mos ndihen vetëm dhe të kenë një motiv më shumë për ta kthyer ndeshjen në festë.

Kështu, duke parë rëndësinë që tifozët kanë, klubi ka vënë në dispozicion të tyre 2 autobusë falas të cilët do të nisen nga qyteti i Kukësit ditën e diel. Të gjithë tifozët të cilët kanë dëshirë të mbështesin skuadrën e tyre, do të kenë mundësi të udhëtojnë falas drejt kryeqytetit.

Detajet e udhëtimit do të bëhen të ditura në një njoftim të dytë, ndërkohë që ftojmë sa më shumë tifozë që të afrohen për të mbështetur skuadrën. Të nisim fazën e tretë në mënyrën më të mirë dhe së bashku, të luftojmë për të rikthyer titullin në Kukës.

/Vipsport.al/

mersin bayan escort mersin escort konya escort eskişehir escort bayan