Disa penallti të humbura nga lojtarët e Sitit, Guardiola ndryshon goditësin e parë dhe habit me përzgjedhjen

Mançester Siti ia doli të triumfonte me rezultatin 0-1 ndaj Shefilld Junajtid në mbrëmjen e djeshme të Premier League. Një sukses i vuajtur nga “qytetarët”, të cilët gjatë sfidës humbën edhe një penallti me Gabriel Zhezus. Kjo ishte e disata herë që futbollistët e Sitit nuk tregohen të saktë nga pika e bardhë. Më parë shënjestër kanë gabuar edhe Sterling me Agueron.

Ndaj, goditjet nga 11 metrat janë kthyer në një ngërç psikologjik, të cilit trajneri Pep Guardiola është i gatshëm t’i japë një zgjidhje ekstreme. Spanjolli po mendon t’i akordojë statusin e goditësit të parë të penalltive portierit Ederson. Braziliani sipas Guardiolës është i ftohtë, ndërsa në stërvitje e tregon se është më i miri në atë rol. “Ederson është më i miri. Më besoni mua, ai është goditësi më i mirë në skuadër për ekzekutimet e penalltive. Ederson nuk ka gjak në vena, ai është shumë i qetë. Më duhet të reflektoj për penalltitë.

Gjithmonë i jap konfidencë lojtarëve të gjuajnë, por ndoshta duhet të marr vendimin se kush do jetë goditës i parë. Kjo jo prej penalltisë të humbur nga Zhezus por gjatë sezonit kanë humbur edhe Aguero me Sterling dhe ne nuk jemi të sigurt në këtë formë. Në Champions League është shumë e rëndësishme sepse këto detaje bëjnë ndryshimin. Duhet të reflektojmë dhe më duhet të marr një vendim”, u shpreh Guardiola. Ndaj në 11-metërshin e radhës së Mançester Sitit nuk duhet të habitemi nëse i besohet portierit Ederson. /Egi Çabeli-VipSport.al/

mersin bayan escort mersin escort konya escort eskişehir escort bayan