Selahi me asist kundër Ajaksit: Ndaj më të mirëve është e vështirë, krenar me skuadrën

Lindon Selahi vazhdon të jetë një nga futbollistët më të rëndësishëm në kampionatin holandez, aty ku me Tuenten luan në mënyrën të vazhdueshme nga minuta e parë. Mesfushori i Kombëtares, ishte titullar edhe kundër Ajaksit duke dhënë edhe një asist por pa mundur të ndihmojë skuadrën që u mund me rezultatin 2-5.

Pas përfundimit të ndeshjes, Selahi u shpreh se ndihet krenar me ekipin te i cili bën pjesë. Ai shtoi se të gjithë duhet të japin maksimumin për të marrë rezultate të mira, duke shtuar se e dinte që do të ishte një ndeshje e vështirë.

“Mendoj se ndaj Ajaksit kemi bërë një ndeshje të mirë. Ne luftojmë fort, por kur luan kundër skuadrës më të mirë në kampionat, e di mirë se do të jetë e vështirë. Megjithatë, unë ndihem krenar që jam pjesë e kësaj skuadre. Ne japim maksimumin dhe luftojmë në çdo ndeshje”, u shpreh Lindon Selahi. /Erjon Allaraj-VipSport.al/