Prapaskenat te Tirana, Riza: Shkarkimi i Memës e Ahmatajt u mbajt 2 javë peng nga kalendari

Ish-futbollisti i Tiranës, Florian Riza, ka zbuluar prapaskena të rëndësishme sa i përket ndryshimeve të trajnerëve që janë bërë në këtë sezon te Tirana. Sipas tij, si largimi i Memës, ashtu edhe i Ahmatajt, kishte qenë peng i kalendarit të ndeshjeve, pasi si në rastin e parë, ashtu edhe në të dytin, askush nuk kishte dashur të merrte drejtimin e skuadrës para ndeshjeve të vështira.

“Nuk e di se si një ekip që kërkon të dalë kampion në vitin e 100-vjetorit të mos ketë trajner, trajner të parë e të dytë. E vlerësoj Egbonë por nuk mendoj se mund të jetë. Trajneri duhet të jetë i ditur, që të ketë autoritetin e tij brenda skuadrës”, tha ai në “Pressing”.

“Ka një konjukturë me trajnerët. Largimi i Memës ishte planifikuar dy javë para se të shkarkohej, por trajneri tjetër nuk e merrte skuadrën nga kalendari i vështirë që kishte në vijim. Edhe tërheqja e Ahmatajt para dy javëve nuk u realizua se kishte të bënte me kalendarin e fortë të ndeshjeve, Kukësin e Partizanin e nuk e merrte kush.

Ata njerëz që pretendojnë të bëhen trajner janë brenda në klub dhe e dinë se çfarë ndodh me lojtarët, presidentin, tifozët. Edhe pse e dinë pretendojnë të marrin ekipin por jo me këto ndeshje. Klubi kishte për të ndërruar Memeën me Ahmatajn dhe e shtynë vetëm që të vinte ndeshja e lehtë me Luftëtarin, për shkak të kalendarit”, tregoi Riza. /vipsport.al/

mersin bayan escort mersin escort konya escort eskişehir escort bayan