VIDEO/ Shqipëria U17 nuk ia del përballë moshatarëve portugezë, kuqezinjtë e Beqirit dorëzohen pa kushte

Shqipëria U17 ka luajtur ditën e sotme ndeshjen e parë të turneut zyrtar që po zhvillohet në Portugali në kuadër të kualifikueseve për Europian. Kuqezinjtë e trajnerit Elvin Beqirit ishin përballë ekipit pritës, pra Portugalinë. Por, nuk ia dolën t’i bënin ballë fuqisë të luzitanëve, duke u dorëzuar pa kushte me rezultatin 4-0. Portugalia shënoi dy gola për pjesë.

Fillimisht, ishte Ferreira që hapi llogaritë e takimit në minutën e 26, ndërsa 10 minuta më pas Nabiah barazoi shifrat. Sakaq, në fraksionin e dytë, luzitanët realizuan edhe të tretin me Fernandes, ndërsa tre minuta para fundit, Gomes realizoi edhe golin e katërt.

Tashmë, vëmendja e kuqezinjve do të jetë drejt përballjes së datës 16 nëntor përballë Ukrainës. Ndërkaq, pjesë e grupit të Shqipërisë është edhe Gjeorgjia, me të cilën do të luhet më datë 19 nëntor.

Portugali – Shqipëri 4-0
26′ Ferreira, 36′ Nabian, 53′ Fernandes, 87′ Gomes

Formacionet:

Portugalia: Rodrigez, Diaz, Silva, Torres, Ferreira, Neto, Antunes, Djalo, Gonçalves, Gomes, Nabian.
Trajner. Joze Gilerme

Shqipëria: Rroku, Cehu, Mehmeti, Mitaj, Preka, Mata, Bytyqi, Sula, Dervishi, Janaqi, Lusha.
Trajner. Elvin Beqiri