Totenhemi prezanton Murinjon, luzitani pozon me fanellën e londinezve

20 Nentor, 2019 13:04

Totenhemi ka prezantuar Hoze Murinjon. Tekniku luzitan pason kështu në krye të klubit trajnerin Mauricio Poçetino, i cili në sezonin e kaluar udhëhoqi skuadrën drejt finales së Ligës së Kampionëve por pa mundur ta fitojë atë.

Fillimi i këtij sezoni ishte shumë i dobët për londinezët duke shkaktuar kështu shkarkimin e argjentinasit. Tashmë, me Murinjon nis një erë e re në klub, pasi asnjëherë më parë Totenhemi nuk ka pasur në pankinë një emër kaq prestigjioz sa luzitani.

Murinjo ka firmosur një kontratë deri në vitin 2023 teksa do të përfitojë 15 milionë paund në sezon, thuajse dyfishin e asaj që paguhej Poçetino.