Shqipëria U17 nuk del pa pikë nga turneu, kuqezinjtë e mbyllin në barazim ndaj Gjeorgjisë

Shqipëria U17 e ka mbyllur me një pikë në tre ndeshje, kompeticionin zyrtar të UEFA-s për kualifikueset e Europianit. Kompeticion i cili është zhvilluar në Portugali.

Kuqezinjtë e drejtuar nga trajneri Elvin Beqiri janë mposhtur në dy ndeshjet e para nga vendi organizator Portugali dhe më pas në të dytën nga Ukraina. Megjithatë, në sfidën e tretë, djelmoshat e mbyllën në barazim 0-0, duke marrë edhe pikën e parë në këto ndeshje, edhe pse pa shënuar asnjë gol.

Megjithatë, kualifikimi në raundin elitë pavarësisht dëshirës ishte i vështirë, duke marrë parasysh faktin se në të bënin pjesë Kombëtare si Portugalia apo Ukraina. Ndërkaq, kuqezinjtë e kësaj grupmoshe ia kanë dalë edhe në të kaluarën të marrin pikë dhe të bëjnë mirë teksa dy edicionet e kaluara i kanë mbyllur me nga tre pikë të grumbulluara.

Rezultati përfundimtar:
Shqipëri U17- Gjeorgji U17 0-0

Formacionet zyrtare:
Shqipëria U17: Simoni, Mehmeti, Preka, Mitaj, Papa, Gjuzi, Mata, Kasemi, Dervishi, Janaqi, Asallari
Trajner: Elvin Beqiri
Gjeorgji U17: Karzhiladze, Zosiazhvili, Avaliani, Kvadagiani, Ubilava, Abuashvili, Mamageishvili, Gagnidze, Çketiani, Mamageishvili, Gvishiani
Trajner: Xhorxh Çitauri