Shehi: Bylisi pa mend, mendoi se ishte fundi i botës të barazonte me Skënderbeun

Orges Shehi e ka cilësuar një fitore karakteri atë të siguruar nga Skënderbeu ndaj Bylisit. Në fjalët e tij në “Sport News Plus”, ish-futbollisti e trajneri i korçarëve, kritikoi edhe Bylisin për mënyrën se si kishte lënë t’i iknin pikët nga duart.

“Dejvi sulmoi nga krahët, mori dy penalltitë dhe rezultoi efikase zgjedhja që u bë me modulin e ri. Kjo është fitore karakteri, i duhej kjo fitore Skënderbeut për situatën që kaloi dhe duke e ditur që kanë grup të ri, mori fitore të merituar.

Bylisi luajti me dëshirë, muskuj e grinte, por pa mend. Nuk ishte skuadra e cila me Teutën kur ishte në barazim, u kthye për të ruajtur pikë. Këtu kaloi në avantazh dhe e pësoi. U hodh e gjithë skuadra në sulm dhe e perceptuan se është fundi i botës të barazonin me Skënderbeun. Duke dalë qendërmbrojtësit në sulm u shthurën e dolën nga detyra, luajtën pa mend, luajtën me grinte e vrull e pastaj e pësuan”, tha Shehi. /vipsport.al/