Përplasje me tre makina, aksidentohet presidenti i Skënderbeut

16 Nentor, 2019 00:37

Presidenti i Skënderbeut, Ardjan Takaj, është përfshirë sot në një aksident automobilistik, për fat të mirë pa pasoja për shëndetin e tij dhe të personave të cilët udhëtonin me të apo në automjetet e tjera.

Sipas ABC News, drejtuesi i klubit korçar po udhëtonte si shumë herë të tjera në aksin Tiranë-Durrës me automjetin e tij tip Benz ML, bashkë me bashkëshorten, kur është përfshirë në një aksident me tre automjete të tjera. Fatmirësisht, aksidenti nuk u shoqërua me pasoja fizike te personat e përfshirë.

Pasojat e vetme ishin vetëm dëmtimet që kishin marrë automjetet e përfshira në këtë incident rrugor. /vipsport.al/