E konfirmon Sarri, më pak punë për Gjimshitin: Ronaldo nuk luan nesër, nuk jam dakord me Danilon

Juventusi do të rikthehet ditën e nesërme të luaj në kampionat, teksa bardhezinjtë do të udhëtojnë në një transfertë të vështirë si ajo ndaj Atalantës. Kampionët në fuqi nuk fitojnë prej tre viteve ndaj bergamaskëve në transfertë duke i mbyllur sfidat në barazim.

Ndërkohë, vështirësia për të dalë me tre pikë në fund të ndeshjes ndaj Atalantës së Gjimshitit, rritet edhe më shumë prej faktit se Ronaldo nuk do të jetë i gatshëm. Këtë e ka konfirmuar trajneri Mauricio Sarri në konferencë për shtyp, teksa portugezi i ka shprehur se ndjen shqetësim, ndaj është menduar të mos rrezikohet për të qenë i gatshëm në mesjavë ndaj Atletiko Madrid. “ Zëvendësimi dhe reagimi i Ronaldos nuk është problem. Problem është fakti që na ka thënë të martën se nuk ishte mirë në ndeshjen e fundit me Portugalinë dhe për këtë kemi përgatitur një program.

 Objektivi është të luaj në Champions me Atletiko Madrid. Me 99% nesër nuk do jetë në dispozicion. Danilo shprehet se ekipi ka progres konstant? Nuk jam dakord me këtë, unë nuk kam parë një rritje konstante. Rritja është fryt i disa momenteve. Duam të bëjmë një futboll të caktuar, por nuk mund të dalim kundër karakteristikave të lojtarëve. Kjo skuadër ka akoma shumë për të shprehur, jo vetëm në idetë e mia por edhe nga karakteristikat e tyre.