VIDEO/ Lojtarët dhe tifozët Dardanë bëhen një, në stadium buçet kënga “Besa-Besë”

Në mbrëmjen e djeshme, Kosova ka marrë një trepikësh mjaft të rëndësishëm përballë Malit të Zi, teksa i mposhti në shtëpi me rezultatin 2-0. Një triumf, që tashmë i çon Dardanët vetëm një pikë larg vendit të dytë që mbahet nga Republika e Çekisë.

Ekip me të cilin Kosova do të përballet në muajin e ardhshëm për të vendosur kualifikimin. Megjithatë, për momentin Dardanët i janë gëzuar suksesit të radhës, ndërsa pas ndeshjes janë afruar te tifozët.

Një fitore që iu dedikohet atyre që kishin mbushur stadiumin plot, teksa nuk mund të mungonte edhe kënga “ Besa-Besë” që e shoqëron Kosovën sa herë zbret në fushë. Këtë herë, nuk mundën të rezistonin as lojtarët pa e kënduar duke krijuar një atmosferë unike. /Egi Çabeli-VipSport.al/