VIDEO / Dallku nuk i kursen talljet: Duhet falënderuar portieri i Malit të Zi, e bëri punën siç duhet

Kosova arriti të merrte një fitore jo shumë të vuajtur kundër Malit të Zi me rezultatin 2-0, duken shpërdoruar edhe shumë raste të tjera të pastra që kishte. Ndërkohë, dy golat e shënuar erdhën si pasojë e gafave të portierëve ku fillimisht ishte Petkoviç ai që bëri një dalje të gabuar dhe vetëm pak minuta më vonë, e ndërroi trajneri. në momentin që Petkoviç po linte fushën, Armend Dallku nuk e ka kursyer ironinë e tij.

“Punën e tij e bëri mirë për ne, mund të largohet i qetë pasi e shënuam një gol”. Ndërkohë, edhe goli i dytë u shënua nga një pakujdesi e portierit Mijatoviç, ku edhe për të, nuk ka munguar ironia dhe tallja nga Dallku, i cili e ka falënderuar portierin.

“Pasim fenomenal nga Kololli. Nuk është rastësisht dhe Muriqi nuk e kishte të vështirë. Gjuajtjen e parë nuk e bëri të saktë, por duhet një falënderim edhe për portierin sepse bëri një ndërhyrje ashtu siç duhet për ne”, u shpreh Dallku pas golit të dytë. /Erjon Allaraj-VipSport.al/