Teuta nuk rrezikon me Flamurtarin, mesfushori shkodran stërvitet i diferencuar

Teuta vijon stërvitjet ndonëse skuadra ka mungesa për shkak të grumbullimeve me përfaqësuesit respektive të Kallakut, Beqjes, e Kapllanit apo dhe Roni Gashit. Durrsakët luajnë në “Elbasan Arena” me skuadrën e Flamurtarit të Vlorës.

Një sfidë që Shkëmbi dhe stafi i tij janë duke e vlerësuar, ndërsa ajo që bie në sy është përgatitja në mënyrë individuale e Uendi Vecajt, shkodranit që ende nuk është rikuperuar plotësisht. Ndaj edhe trajneri Shkëmbi nuk ka ndërmend që të rrezikojë dhe ka gjasa që Vecaj të mos luajë në “Elbasan Arena” në sfidën ndaj kuqezinjve.

Teuta këtë sezon e ka nisur me seriozitet kampionatin dhe durrsakët kanë qenë afër kreut të renditjes, ndërsa duke parë edhe ndeshjet delikate të rivalëve, 3 pikët për durrsakët mund të vlenin ë ata të kryesojnë të vetëm pas javës së tetë të Superiores.

E.S./Vipsport.al/