Starova: Në këtë kampionat duhet shumë fat, skuadra ime po luan dhe jep shpirtin në fushë

Pas ndeshjes së barazuar në shtëpi ndaj Bylisit, trajneri i Laçit, Sulejman Starova në prononcimin për Superport është shprehur se skuadra dhe shpirtin në fushë, por në këtë kampionat duhet shumë fat. Ndër të tjera, tekniku theksoi ekipi i tij i provoi të gjitha për të marrë maksimumin.
“Në pjesën e parë kishim raste. Është një skuadër që po punon fort. Rastet ishin por nuk e përdorëm topin e fundit si me Tekon. Edhe në pjesën e dytë kishim diçka të mirë dhe më vjen keq që nuk u shpërblyem me fitore. E përsëris që skuadra dha shpirtin në fushë por ishte pafat.

Nuk besoj se duhet ndryshuar gjë në lojë dhe e them me bindje. Kishim mundësi për gola por ky është një kampionat ku duhet pak fat. Nga fillimi deri në fund ishim mirë në sulm dhe kishim zotërim topi. Përballë kishim një skuadër që mbrohej dhe i provuam të gjitha. Krijuam shumë ndaj Ballshit, por sot ishim të pafat për të marrë 3 pikët që meritonim. Në fund largova një mbrojtës dhe hyri Smaçi.

Nuabueze dhe mungesa e golave? Unë jam në gjendje të analizoj këto javë por duhen edhe 2 javë sa të mbyllet faza e parë. Kemi bërë lojë të mirë gjithë kohës. Kemi humbur dy shanse në Vlorë dhe në Shkodër me Kukësin. Kemi treguar që jemi të fortë si me Kukësin në transfertë. Skuadra mbrohet mirë dhe nuk lejon kundërsulme. Me pak fat do të flisnim ndryshe”, tha Starova.