Rrëfimi i trajnerit të PSG-së: Eliminimi nga Championsi na u duk si aksident me makinë, ndryshuan gjërat

Sezoni i fundit në Ligën e Kampionëve, ishte një sezon i mbushur me surpriza dhe eliminime të çuditshme, u mbi të gjitha binte në sy fakti se kishte shumë përmbysje rezultatesh. Një ndër to, ishte edhe përmbysja që Junajtid i bëri PSG-së duke e eliminuar nga Championsi në mënyrë të çuditshme.

Në lidhje me atë natë, ka folur vetë trajneri i PSG-së, Tomas Tuhel i cili e konsideron një tronditje të madhe atë eliminim. Ndërkohë, ai shprehet se po mundohej që të rregullonte diçka dhe të bindte tifozët se nuk ishte e njëjta histori si më parë por në fakt ishte e kotë.

“Ishte si një aksident me makinë. Ishte si momenti kur ndizet drita jeshile, por ti merr një goditje të rëndë. Po mendonim nëse kishim gabuar diçka apo kishim neglizhuar dhe në fakt po, kishim neglizhuar diçka. Mes ndeshjeve, njerëzit te shkolla e vajzës sime dhe në qytet thoshin: “OK, gjërat janë në rregull tani, kanë ndryshuar pasi e ndjejmë”.

Të gjithë mendonin kualifikimin por nuk ndodhi. Më pas, të gjithë mendonin: “Ah, asgjë nuk ka ndryshuar. Gjërat janë siç kanë qenë vitet më parë”. Ne mundoheshim t’i bindim “jo, jo, jo nuk është e njëjta gjë por ishte e pamundur. Na dukej si rëra që derdhet mes duarsh dhe ti nuk ke mundësi ta ndalosh. Gjithandej kishte zhgënjim. Kam kaluar 3 net në errësirë totale, nuk e kisha provuar kurrë më parë”, u shpreh Tuhel. /Erjon Allaraj-VipSport.al/