Rikthehet talenti Mastur: Te Milani isha si shans për të fituar para, më penalizoi të rritesha si futbollist

Në vitet e fundit, një nga talentët më premtues në Itali ishte marokeno-italiani Haçim Mastur i cili aktivizohej me Milanin. Asokohe, mesfushori me tipare sulmuesi u fry shumë nga mediat italiane dhe konsiderohej si një diamant për skuadrën e Milanit qe me kalimin e viteve, mund të bëhej ndër më të mirët në Europë.

Në fakt, talenti i tij nuk shkonte më shumë se i një futbollisti mesatar dhe këtë e ka treguar koha. Aktualisht, ai është pa ekip ndërsa sezonin e fundit ishte pjesë e skuadrës greke të Lamias ku zhvilloi vetëm 4 ndeshje me ta. Në një intervistë për “TMË”, ai pranoi se periudha te Milani, e kishte dëmtuar disi.

“Kur erdha te Milani, mediat e bënë shumë të bujshme dhe klubi nisi të më shihte si një aset që mund të sillja shumë përfitime financiare në skuadrën. Ata më panë më shumë si një shans për të sjellë para sesa si një njeri që duhet të rritem si futbollist. Doja të luaja dhe e dija që kisha mundësi prandaj nuk i kushtoja shumë rëndësi futbollit dhe kjo më dëmtoi. E tregon edhe periudha kur isha te Malaga dhe Zuolle duke qenë se u stërvita mirë dhe e konsideroj një hap para”, tregon mes të tjerash Mastur. /Erjon Allaraj-VipSport.al/

mersin bayan escort mersin escort konya escort eskişehir escort bayan