“PYRO është art dhe jo krim”, Tifogrupi nga Shkupi Shvercerat në mbështetje të tifozëve të Tiranës

Komentet pas ndeshjes derbi mes Tiranës dhe Partizanit janë zhvendosur nga analiza e ndeshjes, tek koreografia e tifozëve bardheblu dhe mbi debati te gropat e hapura pranë sektorit të Partizanit në stadiumin ‘Selman Stërmasi’. Sipas pretendimeve të tifozerisë së kuqe gropat ishin të mbushura me fishekzjarre të cilat rrezikonin të gjithë sektorin e tyre, ndërsa nga kampi i tifozerisë bardheblu këmbëngulin se e gjitha ishte në kuadër të një koreografie të parrezikshme me mjete piroteknike.

Në këtë situatë, policia e shtetit ka arrestuar disa persona, të cilët gjithashtu morën pjesë në përleshjen para se të fillonte ndeshja. E gjithë kjo ka shkaktuar një debat nëse në stadium duhet të lejohen apo jo mjetet piroteknike, të cilat shërbejnë për të ndezur edhe më shumë atmosferën, por ndonjëherë duke lënë mënjanë spektaklin kthehen edhe në të rrezikshme.

Mbi ngjarjet e fundit në derbin e kryeqytetit ka reaguar edhe tifogrupi nga Shkupi, ‘Shvercerat’, të cilët njihen për marrëdhënien vëllazërore me tifozerinë e Tiranës, ‘Tirona Fanatics’. Ata theksojnë se mjetet piroteknike janë art dhe jo krim, ndërsa kërkojnë lirimin e vëllezërve nga Tirana dhe ndalimin e hetimeve. Në deklaratën e tyre Shvercerat shprehen se janë të gatshëm të luftojnë përkrah vëllezërve të tyre për mbrojtjen e vlerave Ultras. /Egi Çabeli-VipSport.al/
Postimi i plotë nga Shvercerat: