Premtimi i presidentit Demi për Trashin: Nëse shënon gol, do të jap një shpërblim

Lorenc Trashi debutoi mbrëmë me fanellën e Shqipërisë në mënyrën më të mirë të mundshme, duke shënuar një supergol për kuqezinjtë. Në minutën e 40, ai provoi nga distanca duke e ndalur topin në rrjetë ndërkohë që ishte përzgjedhur nga UEFA edhe si futbollisti që duhej t’i nënshtrohej testeve anti-doping.

Ndërkohë, në përfundim të testeve dha edhe një intervistë për “Supersport”, aty ku u shpreh se ka marrë urime nga të gjithë, teksa ka zbuluar edhe telefonatën me presidentin e Partizanit. Trashi tregon se ka marrë një premtim nga Gazment Demi, që nëse shënon gol do të shpërblehet.

“Fola me presidentin Demi dhe i thashë që do të luaja. Më këshilloi të luaja pa emocion, të jepja më të mirën time dhe të isha i qetë. Ai tha që duhet përqendrim dhe më premtoi se nëse do të shënoja gol, do të më jepte një shpërblim të mirë kur të kthehem në Tiranë”, u shpreh Trashi. /Erjon Allaraj-VipSport.al/