Mesi zbulon trajnerin dhe ndeshjen më të mirë në karrierë: Epoka me Guardiolën ishte më e mira si lojtar

Lionel Mesi në një intervistë të dhënë së fundmi për RAC1 ka zbuluar shumë detaje nga karriera e tij, ndërsa është shprehur edhe mbi trajnerin e tij më të mirë. Në këtë pjesë nuk ka shumë dyshime, pasi epoka nën udhëheqjen e Pep Guardiolas ka qenë ndër më të mirat për Barcelonën dhe Mesin. Ndërkaq, argjentinasi tha se ajo që i kujtohet shpesh si ndeshja më e mirë në karrierë është ajo ndaj Real Madrid në gjysmëfinalen e Champions League.

Trajneri më i mirë? “ Mendoj se Pep Guardiola. Edhe Luis Enrike është shumë pranë me të. Mendoj se koha me Guardiolën ishte një nga momentet më të mira në karrierë si lojtar por jo vetëm. Ndeshja më e mirë në karrierë? Ajo që më kujtohet më shumë është gjysmëfinalja në Champions League ndaj Real Madrid, ku fituam 0-2. Nuk e di nëse ishte ndeshja ime më e mirë, por ishte unike.

Goli më i mirë në karrierë? Goli me kokë në Romë, në finalen e Champions League ndaj Mançester Junajtid. Mbrojtja që i ka hapur më shumë punë gjatë karrierës? Nuk e di, jemi përballur me ekipe të forta, veçanërisht skuadra angleze. Ato janë të forta fizikisht. Në vitet e fundit futbolli është më defensiv dhe më shumë taktik. Përballesh me shumë mbrojtje të forta”, u shpreh Mesi.

Mesi zbulon trajnerin dhe ndeshjen më të mirë në karrierë: Epoka me Guardiolën ishte më e mira si lojtar